په کوهاټ کې د پوليو مخنيوي کمپاين لپاره بشپړ چمتوالی نيول شوی
کوهاټ ( نعمت الله خان)
د کوهاټ ډپټي کمېشنر عبدالاکرم ويلي، په ضلع کې يې د پوليو ويروس ضد کمپاين لپاره چمتوالی سر ته رسېدلی.
د نوموړي په خبره، په کوهاټ ضلع کې به تر دوه لکه څخه ډېر تر پنځه کلنۍ کم عمره ماشومانو ته به د پوليو يا ګوزڼ ويروس ضد واکسينو ترڅنګ د وټامن (A)کپسول به هم ورکول کېږي. ده پر والدينو غږ کړی چې خپل ماشومانو ته د پوليو ضد واکسين هرو مرو ورکړيياد به کمپاين د دغه روانې مې مياشت تر 26 تاريخ پر 30 پورې دوام لري.
ښاغلی زياتوي، چې پوليو ويروس درملنه نه لري د دغه ساري ويروس مخنيوی د واکسينو پر دوو څاڅکو سره شونی دی.
د نړيوال روغتيا سازمان( ډبليو اېچ او ) او د پاکستان پوليو مخنيوي پروګرام شمېرو له مخې په دغه روان کال کې تر دې مه د پوليو 12 مثبتې پېښې په هېواد کې ثبت شوې دي.
پاکستان او افغانستان د نړۍ هغه دوه يوازيني هېوادونه دي چې لا پکې ماشومان په ياد ويروس اخته کېږي.
What's Your Reaction?
Like
1
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
