هند ته په شکست ورکولو سره پاکستان دانډر-نائن ټين ايشيا کپ ټائټل پخپل نوم کړو

 پاكستان خپل روايتي حريف هند ته په فائنل مېچ كښې 191 رنز سره ماتې وركولو سره د انډر 19 اېشيا كپ ټائټل پخپل نوم کړے دے

 پاكستان وړومبي بېټڼګ كولو سره د 8 وكټونو په زيان 347 رنز جوړ كړي۔ هندي  ټيم  د هدف په تعاقب كښې په 156 رنز اؤټ شوې ده۔ علي رضا څلور لوبغاړي اؤټ كړي دي

  سمير منهاس د 172 رنز په كولو د مېچ او ټورنامنټ تر ټولو غوره لوبغاړے وګرځولے شو۔ دې   کاميابۍ سره پاكستان انډر 19 په دويم ځل اېشيا كپ ټائل په خپل نوم كړو۔

 د اتوار په ورځ هند انډر 19 ټاس ګټلو سره د فيلډنګ پرېكړه وكړه كومه چې ګرانه ثابت شوه۔ پاكستان انډر 19 اول بېټڼګ كولو سره په ټاكلې 50 اوورونو كښې د 8 وكټونو په زيان 347 رنز سكور كړل۔ اوپنر سمير منهاس د 9 چكو او 17 چوكو په مرسته 172 رنز جوړ كړل۔

 دا په دې ټورنامنټ كښې دده دويمه سنچري وه ٬ دې څخه وړاندې د ملائيشيا په ضد 177 رنز جوړ كړې وو۔ په نورو لوبغاړو كښې احمد حسېن 56 او عثمان خان 35 رنز جوړ كړل۔

د هند له لوري  ديپيش ديوندرن 3 وكټونه ترلاسه كړل۔ د 348 رنز لوې هدف په ځواب كښې هند انډر 19 ټوله لوبډله په 26.2 اوورز كښې په 156 رنز اؤټ شوه۔ د پاكستان لخوا علي رضا 4 لوبغاړي او صيام، عبدالسبحان او حذيفه احسن دوه دوه وكټونه ترلاسه كړل۔