دميا افتخار په ٢٣م اګست دسپينو جهنډو سره داسلام لوري ته دامن مارچ اعلان

 پېښور( وحدت خبر) دعوامي نيشنل پارټۍ خېبرپښتونخوا صدر  اؤ دقومي امن جرګې صوبائي کميټۍ چئيرمين ميا افتخار حسين اعلان کړے دے چې  په ٢٣م اګست دسپينو جهنډو سره داسلام لوري ته  دامن مارچ  کولې شي، دا به پاور شو،  دۀ وئيلي دي چې  ټولې قافلې به سحر لس بجې دصوابۍ په انټرچينج راجمع کيږي اؤ داسلام اباد لوري ته به مارچ کوي

 ميا افتخار حسين وئيلي دي چې  پښتون قوم بهه نور دکوم مسلط کړے شوي جنګ خشاک نۀ جوړيږي،باچاخان مرکز نه جاري شوي بيان کښې وئيل شويدي چې  دامن مارچ مقصد به دنيا ته دا پيغام ورکول وي چې پښتون قوم دامن داعي دے اؤ دهر هاغه قوت خلاف به راپورته کيږي چې  علاقه دوباره دخونريزۍ دلدل ته ورديکه کول غواړي.

دۀ وئيلي دي چې په خېبرپښتونخوا اؤ قبائيلي ضلعو کښې يوځل بيا دجنګ مسلط کولو سازشونه روان دي خو پښتون قوم به دا ځل دجنګ خشاک جوړيدو ته نۀ تياريږي. دامن په وم ددهشت ګردۍ اؤ بدامنۍ نوې چپه په يو صورت کښې هم دمنلو وړ نۀ ده. اجلاس کښې دپاکستان پيپلز پارټۍ، پاکستان مسلم ليګ(ن) ، قومي وطن پارټۍ، جماعت اسلامي، نيشنل ډيموکريټک موومنت، پښتونخوا نيشنل عوامي پارټۍ، پاکستان مزدور کسان پارټۍ، پښتونخوا ملي عوامي پارټۍ، عوامي ورکرز پارټۍ اؤ جمعيت علمائے اسلام(ف) صوبائي مشرانو  ګډون کړے دے.