پاکستان اؤ افغانستان په دوحه کښې دجنګ بندۍ معاهده وکړه

پاکستان او افغانستان و پرېکړه وکړه  چې يو فوري اوربند وکړي. دا اوربند د دې لپاره و چې د دواړو هېوادونو تر منځ جګړه نوره پراخه نه شي، ځکه د تېرې اونۍ نښتو د لسګونو کسانو ژوند اخيستي او سلګونه نور يې ژوبل کړي وو.

پاکستان وايي د جګړې اصلي لامل دا دي چې د طالبانو تر واک لاندې افغانستان د هغو وسلوالو ډلو پناه‌ځايونه نه بندوي چې د پاکستان دننه بريدونه کوي.

خو طالبان دا تورونه ردوي او وايي چې پاکستان په خپله هڅه کوي د افغانستان ثبات خراب کړي.

د دوحې په خبرو کښې قطر او ترکيه منځګړيتوب وکړ، او دواړه هېوادونه يې قانع کړل چې د جګړې پر ځاي د خبرو لار خپله کړي.

د دې شخړې اغېزه د سپورټ، سوداګرۍ او خلکو تګ راتګ باندې هم شوى دى. افغانستان د پاکستان د کرکټ له سياليو ځان وايست، او دواړو هېوادونو تر منځ اړيکې يو ځل بيا ترينګلې شوې.

  دا اوربند د سيمې لپاره يو مهم ګام دي، ځکه که دا جګړه دوام وکړي، نو دواړه هېوادونه به د اوږدې بې‌ثباتۍ ښکار شي.

 طالبان غواړي وښائي چې د يوه مسؤول حکومت په توګه کولي شي د ګاونډيو سره د سولې اړيکې وساتي.

 پاکستان بيا غواړي د هغو وسلوالو فعاليتونه بند کړي چې د ده د امنيت لپاره ګواښ دي.

 خو تر څو پورې چې د اعتماد فضا نه وي رامنځته شوې، د دا ډول اوربندونو پايداره پاتې کېدل به سخت وي.