غزه، داسرائيلو بمبارۍ کښې نور21 فلسطينيان شهيدان

د غزې په تړانګه کښې په تېرو 24 ساعتونو کښې د اسرائيلو ظالمانه بريدونو کښې نور 21 فلسطينيان شهيد شوي او 96 تنه نور ټپيان شوي دي. د فلسطين د روغتيا وزارت په وينا، د مارچ راهيسې چې د جګړې اوربند ختم شوے، تر اوسه پورې د اسرائيلي بمبارۍ له کبله 13568 فلسطينيان شهيد شوي او 57637 تنه ژوبل شوي دي. د وزارت د معلوماتو له مخې، د 2023 کال د اکتوبر له اوومې نېټې وروسته د اسراييلو بريدونو کښې 67160 فلسطينيان شهيد او يو لک 79 زره،679 کسان ټپيان شوي دي. اسرائيل هم دا منلې چې د غزې په دوه کلنه جګړه کښې د دوي  دزرو  نه زيات سرتېري وژل شوي دي. همدا شان ، د فلسطيني روغتيائي چارواکو په وينا، په تېرو 24 ساعتونو کښې د هغو فلسطينيانو پر ضد چې د مرستې  طمعه ئې لرله، د اسرائيلي پوځ له خوا په بريد کښې نور 21 کسان شهيد او 19 نور ژوبل شوي دي. د فلسطيني چارواکو په وينا، تر اوسه پورې 2610 فلسطينيان چې د مرستو  طمعه  يې لرله، شهيدان شوي او 19143 نور ژوبل شوي دي.