غزه کښې نور ٤٦ فلسطينيان شهيدان

غزه کښې نور ٤٦ فلسطينيان داسرائيلو په جارحيت کښې شهيدان شويدي، فضائي حملوکښې دامداد منتظر شپږ کسان هم شهيدان شويدي، دغزه دصحت وارت ترجمان ترمخه دتيرې ورځې سحر راهسې روانې اسرائيلي بمبارۍ دتباهۍ نوے باب رقم کړے دے چې پکښې عام وګړي اؤ دامداد منتظر فلسطينان شهيدان کړے شويدي. دغزه خواؤشا علاقې زيتون کښې يوځل بيا بمباري شوې ده چې پکښې يو خاندان شهيد کړے شوے دے، په شهيدانو کښې مور، پلار اؤ دهغوي شپږ معصوم بچي شامل دي.دالاقصي هسپتال رپورټ ترمخه دغزه علاقې ديرالبلاح جنوبي او مشرقي برخو کښې داسرائيلولخوا نور څلور کسان شهيدان کړے شويدي، فلسطيني ريډکراس وئيلي جنوبي غزه کښې په يوه بله فضائي حمله کښې درې اولسي وګړي شهيدان اؤ ګڼ نور ژوبل شويدي. غزه کښې دقحط اؤ غذائي قلت صورتحال ورځ په ورځ خرابيږي.
What's Your Reaction?






