ډي ائي خان کښې عمليات،7 ترهه ګر هلاک، ميجر شهيد
په ډېره اسماعيل خان کښې د امنيتي ځواکونو لخوا دانټلي جنس معلوماتو په بنياد عمليات شوی دی، چې پکښې د پاک پوځ زړۀ ور افسر ميجر سبطين حيدر شهيد شوے دے، او د خوارجو فتنې سره تړلي اووه 7 ترهګر وژل شوي دي. دا عمليات د ډېره اسماعيل خان په درابڼ سيمه کښې ترسره شوی دی.
د ائی اېس پي ار په وینا، دا عمليات د هغو خفيه معلوماتو پۀ بنياد شوي چې پکښې د خوارجو شتون تاييد شوے و. د عملياتو پۀ مهال دسختو ډزو تبادله وشوه، چې پکښې ميجر سبطين حيدر، چې د کوئټې سره يې تعلق و، د زړورتيا مظاهره وکړه او د دښمن مقابله کښې ئې شهادت قبول کړو.
د وژل شوو ترهګرو څخه وسلې او بارود هم ترلاسه شوي دي. د پوځ د عامه اړيکو څانګې (ائي ايس پي ار) وينا ده چې د پاک پوځ ځوانانو په مؤثره طريقه د ترهګرو سره مقابله وکړه او هغوی يې خپل انجام ته ورسول.
۳۰ کلن ميجر سبطين حيدر د کوئټې اوسېدونکے و او د عملياتو مشري يې په خپله کړې وه. هغه د خپلې ډلې مشري په زړورتيا سره وکړه او د دښمن خلاف جنګيدلے.
د عملياتو نه وروسته، امنيتي ځواکونو په سيمه کښې کلیئرنس اپرېشن پيل کړے دے. د ائي ايس پي ار د معلوماتو له مخې، په سيمه کښې د هر هندي ملاتړ لرونکي خارجي ترهګر ختمولو لپاره د سینیټایزېشن عمليات روان دي.
ائي ايس پي ار زياتوي چې د پاکستان امنيتي ځواکونه په هېواد کښې د هند په ملاتړ ترهګرۍ له منځه وړلو ته کلک هوډ لري، او د زموږ زړورو زامنو دا ډول قربانۍ زموږ اراده نوره هم پياوړې کوي.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
