حماس دې داتوار دماښام پورې معاهده ومني ګنې ټول به ووژل شي،دټرمپ دهمکي

 د امريکې   صدر ډونلډ ټرمپ د حماس لپاره د يکشنبې د ماښام 6 بجو پورې د معاهدې کولو اخري وخت (ډيډلائن) ټاکلے، او خبردارے ئې ورکړے چې که معاهده وشوه، نو د حماس جنګيالي به ژوندي پاتې شي،   ګنې ټول به ووژل شي. د نړيوال خبري ادارې رائټر د راپور مطابق، ډونلډ ټرمپ ويلي دي چې حماس د منځني ختيځ لپاره له ډېرو کلونو راهيسې يو بې رحمه او تاوتريخوالي خورونکي خطر پاتې شوي دي. هغه وويل چې د 2023م د اکتوبر په 7مه نېټه، حماس د ګڼو اسرائيلي ماشومانو، سپين ږيرو، ښځو او سړيو ژوند واخستو. د حماس د دې بريد په ځواب کښې، تر اوسه پورې د حماس شاوخوا 25 زره جنګيالي وژل شوي دي. ډونلډ ټرمپ وويل چې   "ډېرې پوځې ډلې يوازې زما د اجازې انتظار کوي چې لاړ شي او هغوي ختم کړي.  مونږ ته معلومه ده چې د حماس جنګيالي څوک دي او چيرته دي — هغوي به ووژل شي.  ټول بې‌ګناه فلسطينيان دې فوراً د غزې سيف زون (خوندي سيمو) ته منتقل شي.  که حماس د سولې پر پلان رضا نشي، نو بايد د دوزخ له سزا سره مخ شي."  امريکايي صدر دا هم ووئيل  چې    "د منځني ختيز مهم هيوادونه او امريکا د اسراييلو سره د سولې په يوه پلان لاسليکونه کړي دي.  مونږ به د هر قيمت په بدل کښې د منځني ختيځ سوله يقيني کوو.  د اسراييلو ټول يرغمال شوي — ژوندي وي يا مړي — بايد خوشې شي.  که حماس معاهده وکړي، نو د دوي جنګيالي به ژغورل شي.  خو حماس بايد د يکشنبې د ماښام 6 بجو نه مخکې معاهدې ته ورسيږي."