بنو کښې په ايف سي لائن خودکش حمله، پينځه اهلکار شهيدان، پينځه ترهه ګر هم وژل شوي

) د بنو  ضلع کښې د ترهګرو  حمله کښې د ايف سي پنځه اهلکار شهيدان شوي اؤ  پنځه ترهګر  هم وژلے شوي دي

د ډان نيوز په وينا، د خيبر پښتونخوا د بنو ضلعې په ايف سي لاين بريد شوے، چې پکښې يو ځانمرګي خپل چاودېدونکے موټر د ايف سي لاين ديوال سره جنګولے او زوروره چاودنه يې کړې ده.

د چاودنې نه پس، ترهګرو کوشش وکړو چې ايف سي لاين ته دننه ورشي، خو پوليسو دغه کوشش ناکام کړو، او په ځوابي کارروايي کښې ئې پنځه ترهګر وژلي دي.

د بريد سمدستي پس، پاک پوځ د مقامي بريګيډ کمانډر په مشرۍ عمليات پېل کړل او ترهګر يې  ووژل. د کليئرنس په عمل کښې د پوځ کمانډوز هم برخه اخيستې ده.

د ترهګرو بريد په نتيجه کښې اول پنځه ايف سي اهلکار ژوبل شوي وو، خو وروسته د سختو ټپونو له امله شهيدان شول.

د   دنهې په ورځ د بنو په ايف سي لاين کښې د مرکزي دروازې سره ځانمرګي بريدګر خپل بارود ډک موټر  جنګولے، چې په نتيجه کښې ئې  زورداره چاودنه وشوه. د پوليسو په وينا، حمله کوونکي   احاطې ته دننه شوي وو، ورپسې عمليات پېل شول.

د ايف سي لائن نه بهر موجود ريجنل پوليس افسر سجاد خان ويلي، چې د عملياتو مشري د بنو ډسټرېکټ پوليس افسر سليم عباس کړې ده.