دپي ټي ائي باني چې کله هم وغواړي وزيراعلى به خپل منصب پريږدي،ترجمان

دخېبرپښتونخوا وزيراعلي سردار علي امين ګنډاپور ترجمان فراز مغل  وئيلي دي چې عمران چې کله هم وغواړو نو علي امين ګنډاپور به  خپل منصب پريږدي.

 دپي ټي ائي  دباني چئيرمين لخوا  وزيراعلى  علي امين ګنډاپور ته  دعهدې پريښودو په اړه په بيان  دخېبرپښتونخوا دوزيراعلى دترجمان  ردعمل مخې ته راغلے دے.

دوزيراعلى ترجمان فراز مغل پخپل  بيان کښې وئيلي دي چې علي امين ګنډاپور  دحکومت په اړه  دپي ټي ائي دباني پيغام دکومې مستندې ذريعې نه تصديق شوے نۀ دے، علي امين ګنډاپور څو ځله ،ئيلي دي چې  دخېبرپښتونخوا حکومت دپي ټي ائي دباني امانت دے.

فراز مغل وئيلي دي چې  دخېبرپښتونخوا حکومت دپي ټي ائي دباني دويژن نمائنده دے، دپي ټي ائي باني چې کله هم وغواړي نو  وزيراعلى به منصب پريږدي. دۀ وئيلي دي چې  علي امين ګنډاپور دوزيراعلى کيدو باوجود هم په اډياله جيل کښې دخپل ليډر سره ليدنه نۀ شي کولے، دعدالتونو احکامات هم موجود دي خو دائين اؤ قانون پاسداري نۀ کيږي. دۀ وئيلي دي چې  علي امين ګنډاپور په خېبرپښتونخوا کښې دامن وامان دقيام لپاره اقدامات کوي، ددهشت ګردۍ دخاتمې لپاره په علاقائٍي کچه  دقبائيلي جرګو اغاز شوے دے.