دترهه ګرۍ ختمولو لپاره به په ګډه کار کول وي،صوبائي ايپکس کميټي

د خېبر پښتونخوا وزيراعليٰ علي امين خان ګنډاپور په مشرۍ  د صوبائي ايپکس کمېټۍ غونډه  وزيراعلى سيکرټريټ پېښور كښې  ترسره شوې  ده چې پکښې دترهه ګرۍ  دناسور خاتمې لپاره په  ګډو اقداماتو زور راوړل شوے دے.

 په غونډه کښې ۔د وزير اعلى د اطلاعاتو  ځانګړي مشير بيرسټر محمد علي سيف،  د پېښور كور کمانډر ليفټيننټ جنرل عمر احمد بخاري ، چيف سيکرټري شهاب علي شاہ او ائي جي پي ذوالفقار حميد  ترڅنګ اعلى سول او عسکري چارواكو ګډون   کړے دے.

په خصوصي بلنه د ضلع باجوړ، خېبر او شمالي وزيرستان د قامي او صوبائي اسمبلۍ غړو هم په غونډه كښې ګډون وكړو

داجلاس نه پس  وزيراعلى علي امين ګنډاپور  ويډيو بيان جاري کړے دے چې پکښې هغه دخېبرپښتونخوا دعوامو په مخاطب کولو سره ووئيل چې   دموجوده صورتحال نه عوام خبرول غواړو، وزيراعلى ووئيل چې  دهغه دپارټۍ  اؤ ليډر ويژن ؤ اؤ دے چې  هاغه علاقې چې شاته پاتې شويدي اؤ ترقي ئې ونۀ کړے شوه، هغه پورته راوړل دي. دۀ ووئيل چې  زمونږ ضم شوې ضلعې شاته پاتې شوې وې نو ځکه ددې انضمام وکړے شو چې دغه شان په دې علاقو کښې مونږ  ترقي راوستلے شو

 وزيراعلي ووئيل چې  دترقۍ لپاره ترټولو ضروري څيز امن دے، خو دبدقسمتۍ نه په دې علاقو کښې امن قائم نۀ شو چې ددې علاقو په ترقۍ کښې يو لوئې خنډ دے اؤ په دې علاقو کښې  دبدامنۍ وجه دهشت ګردي ده. حکومت، عوامو اؤ ادارو ټولو ته په شريکه امن قائمول دي ځکه چې  امن سره زمونږ، زمونږ دبچو، ددې صوبې اؤ ملک مستقبل تړلے دے.

  دۀ وئيلي دي چې ټولو ته معلوميدل پکار دي چې دپاکستان دشمن ملکونه کله هم نۀ غواړي چې په پاکستان کښې دې امن اؤ استحکام وي، ددهشت ګردۍ لنک هم ددې دشمنو ملکونو سره يوځائے کيږي اؤ ددې خاتمه مونږ ته په شريکه کول دي، وزيراعلي واضحه کړې ده چې ديو سازش لاندې زمونږ حکومت، عوامو اؤ دفورسز ترمينځ عدم اعتماد پيدا کولے شي اؤ دبداعتمادۍ پيداکوونکو ددې سازش ختمولو لپاره مونږ ته په شريکه   دوي بې نقابه کول دي. ترڅو چې عوام دخپل حکومت اؤ ادارو ملګرتيا ونۀ کړي تر هغې مونږ دا جنګ نۀ شو ګټلے اؤ نۀ هم دا جنګ کولے شو.  نو ځکه په کوټلې طريقې سره   په دې جنګ کښې  دملګرتيا اؤ مرستې ضرورت دے.

 علي امين ګنډاپور ووئيل چې  ددهشت ګردو چې کوم سهولت کاران دي، کۀ په هره وجه، دويرې يا لالچ په وجه اؤ  په کومه بله وجه ددهشت ګردۍ سهولت کاري کوي، ددوي نشاندهي کول ضروري دي. زمونږ په دين، زمونږ په قانون اؤ زمونږ په رواياتو کښې ددې خبرې اجازه نشته چې مونږ دې ددهشت ګرد سهولت کار وکړو. نو ځکه مونږ ته ددهشت ګردو ترڅنګ ددوي سهولت کاران هم ختمول دي. دۀ ووئيل دهشت ګرد داباديو دننه ځکه پناه اخلي چې کله هغوي دابادۍ نه زمونږ په فورسز حمله کوي نو ددې حملې په صورت کښې دجوابي حملې  په وجه زمونږ عام سويلينز شهيدان کيږي، دا کار هغوي ديوې پاليسۍ لاندې کوي چې دغه شان دعوامو، حکومت اؤ فورسز ترمينځ خلا اؤ درز پيدا شي نو ځکه مونږ ته دهشت ګرد دخپلو اباديو نه ويستل دي  چې دغه شان  دوي پخپل مقصد کښې کامياب نۀ شي.

 وزيراعلي عوامو ته وئيلي مونږ ټولو ته په شريکه فيصله کول دي چې مونږ ته دوي په ابادۍ کښې په يو صورت هم نۀ دي پريښودل اؤ نۀ به ئې برداشت کړو. څومره چې هم سرکاري اهلکار، پوليس اؤ فوج دے دا ټول زمونږ ميلمانۀ دي اؤ زمونږ روايت دا دے چې  څوک زمونږ ميلمه ته نقصان ورسوي نو

 دا مونږ کله هم نۀ برداشت کوو نو ځکه مونږ ته دخپل رواج مطابق دوي خپل ميلمانۀ ګڼل اؤ ددوي ملګرتيا کول دي.  اؤ په دوي حمله کوونکو ته به هم سخت جواب ورکوو.