اسلام اباد: د پټرولو نرخ کښې کمے، د ډيزلو نرخ کښې زياتوالے

 د وفاقي حکومت لخوا د زيارت  په شپه د پټرولو في ليټر قيمت ۷.۵۴ روپۍ کم شو، خو د هائي سپيډ ډيزلو  في ليټر قيمت ۱.۴۸ روپۍ لوړ شو. دا نرخونه به د راتلونکو ۱۵ ورځو لپاره نافذ وي.

پټرول چې زياتره په موټرسايکلونو، رکشو او شخصي موټرو کښې استعماليږي، د منځني او ټيټې امدنۍ   لرونکو کورنيو پۀ بجټ مستقيم اغېز لري.

 هائي سپيډ ډيزل بيا د درنو ټرانسپورتي وسايطو، زراعتي مشينونو او رېل ګاډو لپاره  استعماليږي. د دې نرخ زياتوالے د خوراکي  څيزونو او نورو ضروري شيانو پر بيو ژور اغېز لري.

د فائننس ډويژن  نن ( زيارت) په يو مطبوعاتي اعلاميه کښې ويلي چې د پټرولو نوے قيمت ۲۶۴.۶۱ روپۍ في ليټر او د هائي سپيډ ډيزل نوے قيمت ۲۸۵.۸۳ روپۍ في ليټر ټاکل شوے.

په اعلاميه کښې دا هم ويل شوي چې دا  نوي نرخونه  د نړيوالو منډيو د اوسني حالت تر ارزونې وروسته، د  تيلو او ګيس د تنظيم ادارې (اوګرا) او اړوندو وزارتونو په سپارښتنه ټاکل شويدي.

سرچينو مخکې ويلي   چې د تېلو پرله‌پسې څلورځله  لوړوالي وروسته، د نړيوالو بيعو په کمېدو او د وارداتو پر مصارفو کښې د کمي له امله، د پټرولو بيه شاوخوا ۹ روپۍ او د ډيزلو بيه ۳.۵۰ روپۍ في ليتر راټيټېدل اټکل شوي وو.