مقتدرې حلقې دې دسياسي تاؤتريخوالي ختمولو لپاره کردار ادا کړي، بيرسټر ګوهر

) دپاکستان تحريک انصاف چئيرمين بيرسټر  ګوهر علي خان وئيلي دي چې  په ملک کښې سياسي تاؤتريخوالے سيوا کيږي، دملک ترقۍ لپاره به سياسي تاؤتريخوالے ختمول وي اؤ ددې لپاره دې مقتدره حلقې خپل کردار ادا کړي

 بونير کښې دپي ټي ائي دپينځم اګست احتجاج په لړ کښې جلسې ته په وينا کښې بيرسټر ګوهر ووئيل چې  دنهمې مئ پېښو نه پس په ټول ملک کښې سياسي تاؤتريخوالېسيوا شوے دے چې ختميږي نه،  زمونږ په خلقو مقدمې جوړې کړے شويدي، سزاګانې ورکړے شويدي اؤ نااهله کړے شويدي.

دۀ ووئيل چې دپي ټي ائي  دصوبائي اؤ قومي اسمبلۍ غړي اؤ سينيټران نااهله کولے شي چې ورسره تاؤتريخوالي کښې اضافه کيږي.

بيرسټر ګوهر ووئيل زمونږ خلقو مقدمې زغملي، نااهلۍ ئې زغملي اؤ دروند قيمت ئې ادا کړے دے، اوس دمقتدرو حلقو وار دے چې هغوي خپله ذمه واري  ادا کړي اؤ په دې کښې کردار ادا کړي اؤ په ملک کښې سيوا کيدونکے تاؤتريخوالے راکم کړي ځکه چې په عوامو کښې تاؤتريخوالے  کۀ سيوا کيږي نو جمهوريت په خطره کښې پريوځي.

 دۀ ووئيل اوس  کۀ جمهوريت مخ په وړاندې تلل وي نو مقتدرې حلقې دې کردار ادا کړي. دۀ ووئيل اوس دهوش نه کار واخلئ، څه اسانۍ پيدا کړئ، نورو مقدمو اؤ نااهليو نه لاس واخلئ، دپي ټي ائي باني رها کړئ ځکه چې  داسې صورتحال سره به سياسي  تناؤ نور هم سيوا کيږي، په دې سره به په عوامو کښې غصه سيوا کيږي  اؤ د بدامنۍ سيوا کيدو هم اندېښنه ده، دعوامو به په ادارو عدم اعتماد نور سيوا کيږي.