بلوچستان کښې ترهه ګ درابطو لپاره جديد وائرليس استعمالوي، دائي ټي اؤ ټيلي کام سيکرټري

دقومي اسمبلۍ دائي ټي  اؤ ټيلي کام قائمه  کميټۍ په اجلاس کښې انکشاف شوے دے چې دهند نه دجنګ په دوران په پاکستان سائبر حملې شويدي خو  دپاکستان سائبر سيکورټي ټيم دا ټولې حملې ناکامه کړي دي.

د اج نيوز دخبر ترمخه  دګل په ورځ  دکميټۍ اجلاس  دچئيرمين امين الحق په مشرۍ کښې ترسره شوے دے چې پکښې  دسائبر سيکورټي ټيم په کارکردګۍ ارکانو  دعقيدت پيرزوئينې وړاندې کړيدي

 چئيرمين امين الحق  کميټۍ ته ووئيل چې دپينځمې نه لسمې مئ په دوران په پاکستان سائبر حملې شويدي  کومې چې په کاميابۍ سره ودرول شويدي.

 دۀ ووئيل چې  پاکستان خپلې سائبر اثاثې محفوظې ساتلي اؤ مونږ  په دشمن هم  سائبر حملې کړي دي. داجلاس په دوران  دبلوچستان پنجګور سيمه کښې دانټرنيټ دبنديدو په مسئله هم بحث شوے دے.

دداخله وزارت چارواکو کميټۍ ته وئيلي دي چې په ٢٢م مارچ  دسيکورټي کلئيرنس لپاره خط ليکل شوے دے خو سيکورټي ايجنسو  دراتلونکو شپږو مياشتو پورې کلئيرنس نۀ دے ورکړے دکوم په وجه چې به دانټرنيټ ډيټا بنده وي.

 دکميټۍ رکن پولين بلوچ  ووئيل په پنجګور کښې دانټرنيټ دبنديدو مسئله دڅو کلونو راهسې راروانه ده

 دۀ ووئيل چې  ددريوو کلونو راهسې معاملات سم نۀ دي روان نو ائنده شپږو مياشتو کښې به څه بهتري راشي؟  دۀ ووئيل چې  حلفاً وائي چې  دهغوي علاقې ته سزا ورکولے شي.

 سيکرټري ائي ټي اينډ ټيلي کام اجلاس ته ووئيل  دهشت ګرد دکميونيکيشن لپاره جديد وائرليس استعمالوي اؤ انټرنيټ هم استعمالوي

 دۀ ووئيل چې  مونږ ته دسيکورټي ايجنسيو نه اطلاعات ترلاسه شويدي خو ددهشت ګردو دمکملې ټيکنالوجۍ په اړه ورته  معلومات نشته.

دکميټۍ رکن عادل خان بازئي پوښتنه کړې چې دانټرنيټ بنديدو سره ايا حالات بهتر شويدي، دۀ ووئيل چې حالات خور نور هم خراب شويدي. دۀ ووئيل دبي ايل اے دهشت ګرد چې کوم څيز استعمالوي، هغه انټرنيټ نۀ  بلکې بل څه دي.