بلوچستان کښې دپوليسو په تاڼه اؤ چيک پوسټ حمله

  نامعلوم وسلوالو د سه‌شنبې ماښام د بلوچستان د کهچي ضلعې په يوه پوليس تاڼه بريد کړے او هغې ته يې اور اچولے دے، بل‌خوا د کوئټې د لوېديز باي‌پاس په سيمه کې پۀ يوې چيک  هم د   دلاسي بم  (هېنډ ګرېنېډ) بريد شوے دے۔ د ډان ورځپاڼې د راپور له مخې، دولتي چارواکو ويلي چې شاوخوا دوه درځنه  نامعلومو وسلوالو  چې درنې وسلې ئې لرلې، د کټهان پوليس تاڼې باندې بريد وکړو۔ دا تاڼه تازه د لايو سټاک د يوې ودانۍ دننه جوړه شوې وه، او له هغه وروسته پوليسو ته سپارل شوې وه کله چې د ليويز اهلکار پوليسو  کښې ضم  شول۔ بريدکوونکي د تاڼې دننه دوه   کوټو  ته ننوتل، د حکومتي اسنادو او فرنيچر ته ئې اور واچولو، او له هغه ځايه يې دوه وسلې (يوه ايس‌اېم‌جي او يوه جي-۳)، يو موبايل فون او يوه شخصي موټرسايکل له ځان سره يووړو او وتښتېدل د يو مشر چارواکي په وينا، د بريدکوونکو د شمېر له امله نزدې په يوه کور کښې اوسېدونکي پخواني ليويز اهلکارو د دفاع توان نه‌لرلو، خو د نېکمرغۍ خبره دا ده چې هېڅ څوک نه دي وژل شوي او نه ټپي شوي۔ سيمه‌ييز پوليس او امنيتي ځواکونه د پېښې له خبرېدو سره سم موقعې ته ورسېدل، سيمه يې چاپېره کړه او د بريدګرو د نيولو لپاره يې ګډ لټون‌عمليات پيل کړل۔ د پېښې پلټنې د سي ټي ډي (د ترهګرۍ ضد څانګې) د سبي رينج لخوا پيل شوې دي۔  بلخوا  په کوئټه کښې د لوېديز باي‌پاس په سيمه کښې نامعلوم موټرسايکل‌سوارو د امنيتي ځواکونو پۀ يوه چيک پوستې د لاس‌ بم  بريد کړے۔ د پوليسو د چارواکو په وينا، موټرسايکل‌سوارو دوه ګرېنېډونه چيک پوستې سره نږدز وغورږول، چې نزدې ځائے کښې وچاودېدل، خو د نېکمرغۍ خبره دا ده چې هېڅ انساني زيان نه دے شوے۔