کۀ صوبائي حکومت درياست ملاتړ نۀ کوي نو مجبوراً به ګورنر راج لګيږي،ګورنر

پېښور( وحدت خبر) دخېبرپښتونخوا ګورنر فيصل کريم کنډي وئيلي دي چې  دصوبې حالات چې کله خراب شي نو بيا ګورنر راج لګيدے شي، دۀ وئيلي دي چې  کۀ صوبائي حکومت درياست ملاتړ کوي نو بيا خو سمه ده خو کۀ چرې کۀ صوبائي حکومت  درياست ملاتړ نۀ کوي نو مجبوراً به ګورنر راج لګيږي،ګورنر په پېښور کښې ميډيا سره دخبرو په دوران ووئيل چې  څوک به دصوبې يا اسلام اباد بندولو ته پرې نۀ ږدو،صوبائي حکومت ته دوفاق سره مرسته کول پکار دي، دۀ ووئيل چې  دټولو نه وړاندې رياست اؤ بيا سياست دے، دپاکستان فوجونو دملک لپاره قربانۍ ورکړيدي، ګورنر ووئيل چې  تيره ورځ دپي ټي ائي دجلسې مقصد څه ؤ، دا معلومه نۀ ده، دا ځل به پي ټي ائي په اسلام اباد کښې احتجاج ونۀ کړے شي، فيصله عدالتونو ته کول دي، په سړکونو کومې فيصلې نۀ کيږي. دۀ ووئيل دبلوچستان حکومت هميشه دوفاقي حکومت ملاتړ کړے دے. دۀ ووئيل جيل ته تلل کومه لويه خبره نۀ ده، دپاکستان هر لوئې سياسي شخصيت جيل ته تللے دے،