دهند غرور مو دخاورو سره خاورې کړو، وزيراعظم

 دپاکستان د٧٨مې جشن ازادۍ اؤ معرکه حق  کښې  دکاميابۍ په مناسبت سره  داسلام اباد جناح ګراؤنډ کښې  درنه دستوره ترسره شوې ده چې پکښې صدرمملکت  اصف علي زرداري، وزيراعظم شهبازشريف  اؤ دفيلډ مارشل  سيد عاصم منير پشمول  اعلى سول اؤ عسکري قيادت ګډون کړے دے. وفاقي وزيرانو، دملګرو ملکونو سفيرانو، داسمبلۍ غړو پشمول په ګڼ شمير کښې اولسي وګړو هم په دې دستوره کښې شرکت کړے دے. ددستورې اغاز دقران پاک  دتلاوت نه شوے دے دکوم نه پس چې ددريواړو وسله والو فوجونو دستو دپريډ مظاهره کړې اؤ سلامي ئې ورکړې ده. ددستورې په دوران دپاک فضائيې طيارو  دخپل فن مظاهره کړې،  مهارتونه ئې ښودلي اؤ دترکيې اؤ اذربائيجان دستو  مارچ پاسټ کړے دے. دائي ايس پي ار اؤ اطلاعاتو وزارت لخوا دستاويز فلم هم پيش کړے شو چې پکښې دبهارت سازشونو بې نقابه کولو اؤ  دملک دفاع لپاره اقداماتو اؤ معرکه حق  عظيمه فتحه په ډاګه کړے شوې ده. دستورې ته پخپله وينا کښې وزيراعظم شهبازشريف   دارمي راکټ فورس  کمانډ دجوړولو اعلان کړے دے، وزيراعظم ووئيل مونږ جشن ازادۍ ته دمعرکه حق نوم ورکړے دے، دۀ ووئيل چې  په څلورو ورځو کښې مو دهند غرور دخاورو سره خاورې کړو، دۀ ووئيل چې بهارت په پاکستان حمله وکړه اؤغرور ئې کولو چې  پخپل جنګي طاقت سره به پاکستان ته ماتې ورکړي، دبهارت  راتلونکي نسلونه به  دا شکست ياد ساتي، معرکه حق ثابت کړه چې  مونږ  ددې ازادۍ دحفاظت  کولو طاقت لرو. زمونږ ايټمي طاقت په هيڅ ډول جارحانه سوچ نۀ لري. مونږ دبهارت دجوهري طاقت په مقابله کښې دايټمي طاقت دحصول لاره خپله کړې ده، زمونږ ملګرو ملکونو په مشکل وخت کښې زمونږ حوصله سيوا کړې ده، دپاکستان ټولو جماعتونو ته دميثاق پاکستان دحصې جوړيدو بلنه ورکووم، دۀ ووئيل  دفلسطينيانو ملاتړ به جاري ساتو، دۀ ووئيل چې  په جنګ بندۍ کښې په مثبت اؤ کلک کردار دامريکائي صدر ډونلډ ټرمپ شکريه ادا کووم،  وزيراعظم ووئيل  په پاکستان کښې ټولو ته  دسياست حق دے، دبغاوت نۀ، دفلسطينيانو به دنړۍ په هر فورم مرسته اؤ ملاتړ جاري ساتو،  دستورې ته دشهبازشريف وينا