داپوزيشن اتحاد د٢٧م ائيني ترميم خلاف دتورې ورځې لمانځلو اعلان
اسلام اباد( وحدت خبر) اپوزيشن اتحاد تحريک تحفظ ائين پاکستان ٢٧م اؤ ٢٦م ائيني تراميم غيرائيني ګرځولي اؤ په مکمله توګه ئې مسترد کړيدي، دوي دراتلونکې جمعې په ورځ په ټول ملک کښې دتورې ورځې لمانځلو اعلان کړے دے. دتحريک تحفظ ائين پاکستان داجلاس نه پس جاري شوې اعلاميه کښې وئيل شوي دي چې تراميم دائين پۀ بنيادي ډهانچې اؤ عدليې حمله ده، دعدليې دانتظاميې دماتحت کولو کوشش دقبلولو وړ نۀ دے اؤ دغه شان دسپريم کورټ اختيارات محدود کړے شويدي. داعلاميې ترمخه په اجلاس کښې جسټس منصور علي شاه اؤ جسټس اطهر من الله ته داستعفا ګانو په وړاندې کولو دعقيدت پيرزوئينې وړاندې کړے شويدي اؤ دائين په اصل شکل کښې دبحال کولو غوښتنه شوې ده، عزم څرګند کړے شوے دے چې دغيرائيني تمراميو خلاف به جمهوري مزاحمت جاري وي. داپوزيشن اتحاد وئيلي دي چې د خېبرپښتونخوا امن جرګې داعلاميې مکمل حمايت کوي اؤ په خېبرپښتونخوا اسمبلۍ کښې به د٧م ائيني ترميم خلاف قرارداد پيش کيږي.
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
