شمالي وزيرستان کښې يو پوليس اهلکار اؤ يو قبائيلي ځوان دوسله والو لخوا قتل
دشمالي وزيرستان ميرعلي سب ډويژن کښې دټارګټ کلنګ پېښو کښې يو حاضرسروس پوليس اهلکار اؤ يو قبائيلي ځوان وژل شويدي، تيره غرمه ميرعلي بازار چوک کښې پوليس اهلکار شعيب په ډيوټۍ مامور ؤ چې ناڅاپي ديو ګاډي نه نامعلومو کسانو ډزې وکړې چې له امله ئې هغه په موقعه شهيد شو. دشهيد تعلق دګردائي دوسلي سره ښودل کيږي. ملزمان تېښته کښې کامياب شويدي، پوليسو وئيلي مړے مقامي خلقو دميرعلي هيډکوارټر هسپتال ته وړے دے. بله پېښه هم دميرعلي علاقه کښې شوې ده چرته چې دباجوړ سره تلعق لرونکے ځوان نامعلومو کسانو تښتولے اؤ دوه ګينټو پورې ئې دځان سره ساتلے دے، وروسته ددغه ځوان په ګولو سورے مړے ترلاسه شوے دے، لاش داحمدالله مسجد سره نزدې ديو زوړ دوکان نه ترلاسه شوے دے
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
حضرت يوسف
حضرت يوسف دپېښور سره تعلق لرونکے صحافي دے چې دپېښور يونيورسټۍ نه ئې په صحافت کښې دماسټر ډګري ترلاسه کړې ده،هغه دتيرو خواؤشا 18و کلونو راهسې دصحافت په څانګه کښې خپل خدمات وړاندې کوي، په ليکلې بڼه دمتوازنو خبرونو ليکلو ترڅنګ دډيجيټل ميډيا لپاره هم وخت په وخت مواد تياروي
