دترکي اؤ ايران په شريک سرحد دنوښار ځوان پحق ورسيدو
نوښار( وحدت خبريال) دنوښار نه دښۀ مستقبل په اميد په غيرقانوني طريقې يورپ ته روان دوتړ سيمې اوسيدونکے پينځه ويشت کلن ځوان احتشام ګل دايران اؤ ترکي په سرحد دسيکورټي فورسز په ډزو پحق رسيدلے دے، دايران سفارتخانې خارجه دفتر ته داحتشام ګل ولد مختيار ګل دوتړ نوښار داوسيدونکي دمړينې باقاعده خبر ورکړے دے، خارجه دفتر داحتشام ګل دمړي پاکستان ته دراوړلو انتظامات کوي، د هغه دوالدينو سره هم رابطه شوې ده. دپوليسو ترمخه دايران اؤ ترکي په سرحد پحق رسيدلي ځوان احتشام ګل پلار په جهانګيري نوښار جي ټي روډ دوتړ په اسټاپ دټائر پنکچرو کار کوي. ايران اؤ ترکي تقريباً ٥٦٠ کلو ميټره شريک سرحد لري کوم چې دتجارت اؤ غيرقانوني مهاجرت يوه اهمه لاره ده، دلته غرايزې لارې، امنيتي ديوالونه موجود دي خو ددې باوجود هم دافغانستان ، پاکستان اؤ ايران نه خلق يورپ ته په غيرقانوني توګه دتللو لپاره دا سرحدي لاره استعمالوي.
What's Your Reaction?
Like
0
Dislike
0
Love
0
Funny
0
Angry
0
Sad
3
Wow
0