يو اېن اېچ سي ار: په افغانستان کې کډوالو سره کېدونکې نغدي مرستې ځنډولې

کوهاټ ( نعمت الله خان )

په افغانستان کې د ملګرو ملتونو د کډوالو عالي کمېشنرۍ ( يو اېن اېچ سي ار ) لخوا ورکيدونکي نغدي مرستې وځنډول شوې۔

په افغانستان کې د ملګرو ملتونو د کډوالو ياد سازمان په خپل يو رسمي بيان کې ويلي، چې مرستې ځنډو لامل په افغانستان کې واکمن د اسلامي امارت په نومې حکومت د هغې پرېکړې له کبله ځنډولې چې د ( يو اېن اېچ سي ار ) په دفترونو کې پر ښځينه کارمنانو بنديز امر شوی۔

ياد سازمان په خپل بيان کې زياتوي، له دغې پرېکړې له کبله په افغانستان د هغو ولايتونو کې يې اوسمهال کډوالو سره نغدي مرسته نه کېږي چېرته کې چې د دوی ښځينه کارمنانو کار کاوه۔

سازمان په ياده پرېکړه خواشيني ښکاره کړې او ويلي دي، په دفترونو کې د ښځينه کارمنانو دندې ځکه اړيني دي چې دوی د کډوالو ښځو کره معلومات راټول کړي او د کډوالو په صفت له پېژندنې وروستي ورسره د سازمان لخوا مرستې ترسره شي۔

د کډوالو په چارو کې د ملګرو ملتونو دغه سازمان دا نه دي ويلي، تر کومې مودې پورې به د کډوالو سره د نغدې مرستې لړۍ د ځند ښکار وي خو سازمان په خپل بيان کې ټينګار کړی چې په دفترونو کې د ښځينه کارمنو دندې ډېرې اړينې بولي ځکه دغه کارمنو د پاکستان او ايران څخه راستنېدونکي کډوالو ښځو ته اسانتياوو لپاره کار کاوه۔

د واکمن حکومت د ښځينه کارمنو د بنديز په تړاو څه نه دي ويلي او نه يې د ملګرو ملتونو د کډوالو عالي کمېشنرۍ ( يو اېن اېچ سي ار ) د بيان په اړه کوم دريځ ښودلی خو په افغانستان کې د ملګرو ملتونو مرستندويه ماموريت ( يوناما ) له طالبانو غوښتي دي د دوی په دفترونو کې کار کوونکې ښځينه وو باندې لګول شوی  بنديز پای ورسوي چې دوی وکولای چې په افغانستان خپلې بشري مرستې په ښه ډول اړمنو ته ورسوي۔