عدالتونه دساز باز ښکار دي ، ټولې فيصلې دبره نه راځي،اسد قيصر،شهرام ترکئ

دپاکستان تحريک انصاف مرکزي رهنما اؤ پخواني دقامي اسمبلۍ سپيکر اسد قيصر اؤ دقومي اسمبلۍ غړي شهرام ترکئ وئيلي دي چې عدالتونه  دساز باز ښکار دي ، ټولې فيصلې دبره نه راځي.

   دنورو صوبائي وزيرانو اؤ اسمبلۍ دغړو سره دپريس کانفرنس په دوران اسد قيصر ووئيل چې سبا په ټول پاکستان  کښې تحريک شروع کوو، تحريک به پرامنه اؤ دائين اؤ قانون په دائره کښې وي.

 دۀ ووئيل چې  عمران خان دوه کاله وړاندې په پينځم اګست بې ګناه ګرفتار کړے شوے ؤ په کوم چې مونږ دا توره ورځ لمانځو، عمران خان ددې ملک ليډر دے ، مونږ انصاف غواړو، خو عدالتونه  دحکومت ماتحت کړے شويدي. دۀ ووئيل چې  په ضمانت رهائي دعمران خان اؤ بشرى بي بي حق دے، دپي ټي ائي مشرانو ته سزاګانې په ناحقه ورکړے شويدي.

په دې موقعه دقامي اسمبلۍ غړي  شهرام ترکئ ووئيل چې پارلمان  بې  وقاره کړے شوے دے، چيف جسټس ته خواست دے چې  په اسلام اباد هائيکورټ کښې دعمران خان تر ځنډ لاندې کيسونه زر مکمل کړے شي چې دغه شان دانصاف تقاضې پوره شي.

دۀ ووئيل چې مونږ به په صوبه کښې په يو صورت هم اپريشن کيدو ته پرې نۀ ږدو، دوزيراعلى نه مو مطالبه ده چې  داپريشن اجازت دې ورنۀ کؤے شي ځکه چې عمران خان هم په دې اړه واضحه احکامات جاري کړيدي. مونږ امن غواړو جنګ نۀ، په پينځم اګست به دقومي بيرغ پشمول  سپينې جهنډې اؤ دپارټۍ جهنډې راړو، کۀ چا شرارت وکړو نو کارکنان به جواب ورکوي.