د کوهاټ صنعت او تجارت خونې غړيو وفاقي وزير په ناسم چلند تورن کړی

کوهاټ ( نعمت الله خان )

د کوهاټ د صنعت او تجارت خونې په يوه اعلاميه کې ويلي، چې د سرحداتو او رياستي چارو وزیر امير مقام  د کوهاټ ولسوالۍ په يوه ورځني سفر مهال یې د دوی ستونزې نه دي اورېدلې او نوموړي يې په ناسمه چلند تورن کړی.

په دغه اعلاميه کې د صنعت او تجارت خونې رييس رشيد پراچه ويلي، د سېفران وزير يې د دوی تجارتي او صنعتي چارو کې ورپېښې ستونزې نه دي اورېدلي او د خونې غړيو ته يې هېڅ ډول درناوی نه دی ورکړی.

د نوموړي په خبره ، چې وزيران د ولس استازي وي بايد د ولس خبرو ته په جدي توګه پاملرنه وکړي او ستونزې يې حل کړي.

ده له پاکستان لومړي وزير شهباز شریف څخه غوښتې چې د مرکزي وزير امير مقام د  داسې ډول رويې په اړه وپوښتل شي چې په راتلونکي کې ‌بياځلي د صنعت او تجارت خونې غړيو سره باید نا مناسبه رويه و نه کړای شي او د دوی ستونزې د واورېدل شي.

ځکه کې د صنعت او تجارت خونې د هېواد په اقتصاد کې لوی کردار لري او تاجران هېڅ ډول سياسي فعاليتونو او ګوندونو سره تړاو نه لري.

بلخوا د وفاقي وزير امير مقام لخوا رسنيو ته يې په اړه سپيناوی نه دی شوی چې نوموړي  د صنعت او تجارت خونې کوهاټ غړيو سره نا سم برخورد کړی او د دوی ستونزې يې نه دي اورېدلې.