نۀ به ټيټيږم اؤ نۀ به کومه سودا کووم، عمران خان

دپاکستان تحريک انصاف ګوند باني عمران خان وييلي دي چې  ما دتنهايۍ په قيد کښې وساتئ، ويرولو نه به هيڅ ترلاسه نۀ شي، نۀ به ټيټيږم اؤ نۀ به کومه سودا کووم، عمران خان سره په اډياله جيل کښې عليمه خان اؤدهغه نورو دوه خويندو هم ملاقات کړے دے. عليمه خان دخپلو خويندو  سره ميډيا سره په خبرو کښې ووئيل مونږ دکارکنانو شکرګزار يو چې هغوي  دلته زمونږ سره دڅو مياشتو راهسې ولاړ دي، ددريوو مياشتو راهسې مونږ راتللو خو دملاقات موقعه نۀ شوه راکولے. دې ووئيل دالله شکر دے چې  زمونږ ملاقلات وشو، څلور مياشتې پس  په يو ځائے زمونږ دخويندو ملاقات وشو، دسلمان اکرم راجا، بيرسټر ګوهر علي ظفر پشمول دنورو  وکيلانو ملاقات هم شوے دے، دې ووئيل چې دپي ټي ائي باني  صحت بيخي ښه دے، دباني په سترګه کښې هيڅ مسئله نشته، ددې لپاره مونږ په عدالت کښې درخواست ورکوو، دې  ووئيل  چې دپي ټي ائي دباني  دسترګو علاج لپاره به دپمز هسپتال ډاکټران دمعائنې لپاره راځي، دې ووئيل چې  دپي ټي ائي باني ووئيل چې کۀ چرې دججانو ضمير وے نو دومره ظلم به نۀ وے، باني ته مې دشيرشاه اؤ شاهريز دګرفتارۍ په اړه وئيلي، هغه ووئيل چې دظلم اؤ زياتي ټوله ذمه واري په عدليې  ده. عمران خان وئيلي چي کرکټ محسن نقوي تباه کړو، دميډيا مرۍ خفه کړے شوې اؤ کنټرول کړے شوې ده، دمين سټريږ ميډيا حېثيت اوس په عوامو کښې ختم شوے دے. دۀ ووئيل  چې په وزيرستان کښې اپريشن نۀ دے پکار، ملټري اپريشن ودرول پکار دي ځکه چې دې سره به عدم اسحکام پيدا کيږي