دحماس نه بغير دفلسطين مسئله نۀ شي حل کيدے، مولانا فضل الرحمان

د جمعيت علماء اسلام پاکستان مشر مولانا فضل الرحمان ويلي دي چې تر هغې پورې چې فلسطينيان خپله فيصله و نه کړي، نو په زوره پرې فيصله نه شي تپل کېدے، او د حماس نه بغير د فلسطين مسئله حل کېدل ناممکن دي، ځکه حماس اصلي فريق دے.  مولانا فضل الرحمان چې د جمعيت علماء اسلام مشر دے، پۀ  لاهور کښې ئې  يو پريس کانفرنس  کښې وئيلي دي چې دا وخت د ټولې نړۍ تر ټولو مهمه موضوع د فلسطين مسئله ده. د فلسطين په اړه د پاکستان باني (قائداعظم) ويلي و چې د اسرائيل وجود د عرب نړۍ په ملا کښې يو خنجر دے.

هغه وويل چې  اسرائيل يو غاصب (ناجائز) رياست دے ، مونږ به هيڅکله هم دا رياست تسليم نه کړو. نن ورځ د امريکا صدر  ډونلډ ټرمپ غواړي چې د نړۍ د ټولو مسئلو مالک شي، او د زور له لارې خپلې خبرې منل غواړي، دا طريقه نه اخلاقي ده او نه سياسي.

مولانا فضل الرحمان زياته کړه چې تر څو پورې چې د فلسطين په مسئله خپله فلسطينيان پرېکړه و نه کړي، نو زبردستي پرېکړې نشي تپل کېدے. د دوه رياستونو حل خبرې روانې دي، خو اسرائيل فلسطين نه مني او فلسطينيان هم اسرائيل نه مني.