يو اېن اېچ سي ار: له پاکستان څخه افغان کډوال پرته له"چېک ان" ستنېدلای شي

کوهاټ ( نعمت الله خان )

په پاکستان کې د ملګرو ملتونو د کډوالو عالي کمېشنرۍ ( يو اېن اېچ سي ار) ويلي، افغانستان ته ستنېدونکي کډوال پرته له (چېک ان) مرکزونو خپل هېواد ته تللای شي.

د کډوالو دغه سازمان په خپل يو بيان کې پر پاکستان کې مېشته د ( پروف اف رجسټرېشن۔ پي او ار ) کارت لرونکي افغان کډوالو عږ کړی چې دوی د په پاکستان د ( چېک ان) مرکزونو کې د نوبت اخيستلو لپاره زيار نه باسي او په مستقيم ډول د له خپلو کورنيو غړيو سره هېواد ته ستانېدلای‌ شي.

سازمان زياتوي، راستانه شويو کډوالو سره به د افغانستان په ننګرهار، کابل، کندهار او نورو ولايتونو کې جوړ شوي مرکزونو کې به ورسره نغدي مرسته کولای شي.

د ملګرو ملتونو دغه سازمان وايي، دغه پرېکړه يې د کډوالو په لوی شمېر کې له پاکستان څخه افغانستان ته ستنېدو له کبله کړې  ده ځکه چې د پاکستان خيبر پښتنوخوا او کويټه ايالاتونو کې د ( چېک ان ) لپاره جوړ مرکزونو  ته د تلونکې کورنيو شمېر زيات شو وو.

د پاکستان کورنيو چارو وزارت په پاکستان کې مېشت ټول اسناد لرونکي کډوالو ته يې دغه روانې  مياشتې د اګست 31مه نېټې پورې بېرته خپل هېواد ته د ستېندو امر کړی.

بلې خوا په پاکستان کې مېشت افغان کډوالو دريځ دی دوی د يوې مياشتې په نېټه کې نشي کولای په بېړنۍ حالاتو کې خپل هېواد ته لاړ شي ځکه د دغو کډوالو څلور نسلونه په پاکستان هېواد کې د کډوالو ژوند پر مهال زېږدلي او په دغه هېواد کې پر بېله بېلو ايالاتونو په ښونځيو او پوهنتونو کې پر زدکړو بوخت دي.

کډوال وايي، پاکستان کې په لوی کچ کاروبارونه لري او دغه کاروبار او  د ژوند چارې په دومره کمه موده کې نشي کولای چې راټولې کري بايد د افغان کډوال بېرته په داسې بېړنيو حالاتو کې  نشي ستانه هلته په هېواد کې دغه کډوال له ګڼ شمېر ننګونو سره مخ کېدلای شي او  اولادونه يې له زدکړو بې برخې پاتي شي.

کډوال دا هم وايي، ځينې داسې افغان کډوال هم د دوی په ټولنه کې شتون لري کوم چې هنرمندان ، سياسي فعالان، مدني فعالان او خبريالان دي چې له پاکستان څخه د لېږلو په دغه پړاو کې دوی په خپل هېواد افغانستان کې له مرګ او ګواښ سره  مخ کېدلای شي.

کډوال له پاکستان حکومت او  ملگرو ملتونو څخه غوښتنه کوي چې افغان کډوالو ته د بېرته لېږلو لپاره يو منظم پلان جوړ شي او د افغانستان حکومت د هغو کډوالو ته چې په خپل هېواد  کې د سرپناه ځای نه لري بايد د استوګنې لپاره ورته  زامينه برابره کړي.