مهم خبرونهنړۍ
غزه: له 7م اکتوبر راهسې روانو اسرايلي بريدونو کې تراوسه له 8و زرو زيات فلسطيني زده کوونکي شهيد
پر غزې د اسراییلو په روانو بریدونو کې تر 8000 زیات زده کوونکي او 497 تنه فلسطیني ښوونکي شهیدان شوي دي.
د عربي رسنیو د راپورونو له مخې، د اسراییلو د بریدونو په پایله کې په غزه کې لږ تر لږه 8572 زده کوونکي او په اشغال شوې لویدیځه غاړه کې 100 تنه زده کوونکي شهیدان شوي دي.
په راپور کې راغلي چې د اسراییلو د بریدونو په پایله کې 497 تنه ښوونکي او کارکوونکي هم شهیدان شوي
د راپور له مخې، په غزه کې د ملګرو ملتونو د ادارې (UNRWA) له خوا پر څه باندې 350 دولتي ښوونیزو ادارو او 65 ښوونځیو باندې د اسرائیلي پوځ له خوا بریدونه شوي او ویجاړ شوي دي.
راپور کې زیاته شوې چې د اکتوبر له 7مې راهیسې تر 6 لکو زیات زده کوونکي له سکولونو وتلي دي او زیاتره زده کوونکي له رواني صدمې سره مخامخ دي.
