دسرچينو وينا ده دخېبرپښتونخوا په بنو ضلع کې دملېشه ځواکونو په ګاډي بمي چاودنه شوې ده چې له امله يې دايف سي يو عسکر وژل شوى او څلور نور ژوبل شويدي.
دسرچينو وينا ده چې چاودنه دبنو دبکاخيل تحصيل په خواجه خړ سيمه کې دامنيتي ځواکونو ديوې پوستې سره نزدې دايف سي په ګاډي دسړک په غاړه ښخ بم هاغه مهال چاوديدلى چې دايف سي ځواکونو په سيمه کې ګزمه کوله.
دسرچينو وينا ده په دغه چاودنه کې دملاکنډ سيمې سره تعلق لرونکى حوالدار سجاد وژل شويدى او څلور نور کسان ژوبل شويدي چې دعلاج لپاره روغتون ته وړل شويدي.
دچاودنې وروستو سيمې ته په ګڼ شمير کې پوليس عسکر رسيدلي او دلټونې عمليات يې پيل کړيدي.
په دې وروستيو کې دخېبرپښتونخوا شمالي او جنوبي وزيرستان، بنو او دډيره اسماعيل خان په ګډون په بيلا بيلو سيمو کې په پوليسو او پوځيانو ترهه ګريزو بريدونو کې تر ډيره کچه اضافه راغلې ده.
تيره شپه هم دخېبرپښتونخوا دمردان په کاټلنګ سيمه کې وسله والو په پوليسو بريد کړى و چې له امله يې يو پوليس عسکر وژل شوى او يو بل ژوبل شويدى.
